• छत्तीसगढ़ी .in
• आध्यात्म जगत, छत्तीसगढ़ी प्रश्न अउ उत्तर, छत्तीसगढ़ी लेख

प्रश्न:-
समयसूचक AM अउ PM के मतलब का होथे? | समयसूचक AM अउ PM का मतलब क्या होता है? | What does the time indicator AM and PM mean?
What is the meaning of timepiece AM and PM? |

का तुमन जानथव कि समयसूचक AM अउ PM के उद्गगम भारत म ही होय रहिस..??

फेर हमन ल बचपन ले इही रटवाय गे हे, विश्वास देवाय गे हे कि ये दूनो शब्द AM अउ PM के का मतलब होथे:

AM : Ante Meridian
PM : Post Meridian

एंटे मतलब पहिली, फेर काखर? पोस्ट मतलब बाद म, फेर काखर? ये बात कभू फरी नइ हो पाइस, काबर कि ये ह चोराय शब्द के नानकुन रूप रहिस।गजब अध्ययन करे के बाद पता चलिस अउ हमर तइहा के वेद भाखा संस्कृत म ये संशय ल फरी-फरी अर्थाय हे। कइसे? देखव…

AM = आरोहनम् मार्तण्डस्य
PM = पतनम् मार्तण्डस्य

सुरुज, जेहर अगास गणना के मूल आय, उहीच ल हटा दिस। अंग्रेजी के ये शब्द संस्कृत के वो सिरतोन ‘अर्थ’ ल नइ अर्थावय।

आरोहणम् मार्तण्डस्य मतलब सुरुज के उवई (आरोहण या उप्पर कुति चढ़ई)। पतनम् मार्तण्डस्य मतलब सुरुज के बुड़ई (अवरोहण या खाल्हे डहर उतरई)।

बारह बजे के पहिली सुरुज उप्पर कुति चढ़थे – ‘आरोहनम मार्तण्डस्य’ (AM)। बारह बजे के बाद सुरुज खाल्हे डहर उतरथे – ‘पतनम मार्तण्डस्य’ (PM)।

विदेशिया के प्रभाव म रमें अउ विदेशिया शिक्षा पाए, कोनो-कोनो मनखें मन भरम म हे कि जम्मों वैज्ञानिकता हर विदेशी जगत के देन आय।

हमन अपन हजारों बछर के समृद्ध थाती, परंपरा अउ संस्कृति के पालन करत घलो आधुनिक अउ उन्नत हो सकत हन। एखर ले नरवस झन होवव बल्कि एखर ले गरब के अनुभूति करव अउ केवल नकली सुधारवादी बने बर एला हिनहा झन देखावव। बेरा निकालव अउ एखर बारे म पढ़व/ जानव/ गोठ करव/ समझे के कोशिश करव।

अपन “सनातनी” होय के गरब करव।

जय जोहार!

Written by

छत्तीसगढ़ी .in

Join to follow writers