Less than a minute
196 words
1 view
छत्तीसगढ़ म रयपुर ले 25 कि मी के दुरीहा रिवागढ म 2400 बछर जुन्ना सिक्का मिले हवे। पुरातत्व बिशेषज्ञ के दावा हे की देस म पहली मघ शासनकाल म सिक्का ह चलन म आइस।
खुदाई म कुषाण काल अऊ मघ शासनकाल के चांदी अऊ तांबा के सिक्का घलो मिले हवे।येखर संगे संग सरभपूरी ,कल्चुरी शासक के बेरा के सोन के सिक्का घलो बढ़का संख्या म मिले हवे। खुदाई करत टीम के कहना हे की 2400 बच्छर पहिली रिवागढ़ 80 एकड़ के एक जलदुर्ग रहीस। एमा चार ठन दरवाजा रीहिस। कौटिल्य के अर्थशास्त्र म जऊन परकार के जलदुर्ग के बारे में बताए ग हवे ईहा वइसने हवे ,चार ठन दरवाजा के सबूत घलो मिले हवे ।
